Ma valà, ma tasì, scolta qua, vara ti!
Sito serio? Davero! Ma chi...
Ostregheta, ma dai! Tela ghe dita! Va bon!
Ma tasì tuti che mi la go
tolta in prèstio, disemo, in afito.
Mi velo digo, a mi i melo ga dito...
I me ga dito e magari chisà sarà vero
i susura che forse so xìo
del cugnà de so mare del sposo dela nuora
non so da chi gabìa sentìo
che la nevoda del pare del nono del barba
del zènaro de me fradelo
no voarìa mai sbajarme ma vara che chi
soto soto i ga fato un bordelo
I me ga dito che el fiolo de Icio
che jera sta bon de frutàre i meloni
se ga imboscà cola fiola de quela
che stava de sora dela casa de Toni
Ma sì, che sarìa so popà dela santola
che ga sposà el Checo Beco
tanto par dire el compare de quelo che se ga
compra i campi col tereno seco
Oh, Beata Corona cossa te me conti
no vojo saverghine pì
ma valà sito serio ma dai go xa dito
bon basta tajemola chi,
ma i me ga dito che el toxo dela Rita
che sti ani abitava Montecio Magiore
el se ga barufà con so fiolo che xera
geloso del novo tratore
E no xe par zontarghe qualcosa
che mi me la tegno e voaltri ste ziti
ma i me ga dito che in banca el ga sconto i milioni
e la sposa se sensa calseti.
Orcocan, che pecà! Go sentìo
che so zenero de Piero vole fabricare
I susura che gabià rognà con la cassa rurale
e no possa pagare
Fa pianìn, pianpianinèlo, che la xe indormesà
se tea sveji la te bate, col minestro la te dà.
Ecco sì che te si brao, dai, indrisate la fanèa
ma ndo xe finìa la ciave? La go perdùa in te la scarsèa…
Con na man sula seradura, mira puito, seca el buso!
Su! Ripròvaghe ma indèso mètate gli ociài in tel muso.
Vanti schìcia la manèja… che caldàna! So de bojo… (con O chiusa)
ssssst!! Senti la porta che la sc-òca: gavèo dito meti l’oio!
Oh! … Desso toca far le scale che le xe longhe un tocheto
ghe voria un bel par de ale par volar driti in tel leto…
Vanti cavate i scarponi tienli fissi con na man,
e con l’altra pian pianèlo, tàcate sul corimàn…
Bon! Le scale le ghemo fate e suìto taco sangiutare,
vedo intorno luci mate e sento le recie drio sc-opàre,
go na gamba tremolenta, le zenocia no ghea fà
so drìo ndare un fià de onda, ma el me leto do xe ndà?
Scolta, scolta me moròsa: dorme fisso fa na soca.
La ga el fià che sa de ajo, e do bafi sora la boca…
e do bafi? … oh, Martina! No capisSo, sacramento!
I xe cressùi così de pressa, tuti quanti in un momento!
A palparla xe anca pejo, la gà perdùo tuti i cavej:
la ghe xe cressui anche i pìe, da le rece spunta peli,
la ga un naso da oselàso e le tete disgunfià.
Martina… cossa xe suceso? Ostia! I me la ga cambià.
Se no fosse propio siuro che te sì ti in tel me leto,
giurarìa che se tratase del scarpàro Meneghèto!
Maria Santa, che scarògna! Pregherò fin domatina
ciaparò la bona strada, ma ridème la Martina!
Desso torno for a in strada: tuta note note enzenocià
ve prometo, ve lo giuro, se doman la xe tornà,
non ndarò pì fora bere, basta sgnape in ostaria:
metarò el core in pace, in sempiterna… e così sia!
(Santiago del Cile, 23 settembre 1924)
Ci fu… puuuh puuuh … ci fu
Che belisima bestia
che potensa e che rua
che la sbaja e la supia
e la magna i chilometri a gnaf
gnaf gnaf gnaf gnaf gnaf gnaf
e ciuciuff e ciaciaff
Che magnifica roba i stantufi che sbufa
e rento questa baraca fasso supiar sta polaca
ulalà la la la
la vaporiera deta ferrocarril
metemo xo le rodaie tuto a pichi e baìli
sora campi e xardini
a sbusàr le coline onti de zenare e stufi
stuf stuf stuf stuf stuf stuf
e ciaciaff e ciuciuff
Ci fu… puuuh puuuh … ci fu
Ghise infumegàe ocio de fogo boca de bronse
sìgo de aquila che sgrafa le lavagne de un zièlo
sempre spuà come un s-ciaff
s-ciaff s-ciaff s-ciaff s-ciaff s-ciaff s-ciaff
e ciuciuff e ciaciaff
Traversini e buloni dale zinque ale zinque
el bandolero xe straco el machinista imbriàgo
ulalà la la la
La vaporiera detta ferrocarril
che projeto magnifico
gratarghe el culo ale Ande
scoresàrghe al Pacifico a sbuff
a sbuff sbuff sbuff sbuff sbuff sbuff
e ciaciaff e ciuciuff
Sul treno ghe xe me zio Gambler
dale maneghe piene de assi e de re
e la derringer curta in tel culo del capèlo (“e” aperta e non chiusa)
se mai cata qualcun
che ghe scopre quel bluff
bluf bluf bluf bluf bluf bluf
Ah Gennariè se Sorento è lontana
anca Stoner compagna
go ciapà sta petechia dala stesa polaca
ulalà la la la
La vaporiera deta ferrocaril
che la bruxa rodaie che spaùra galine
in tela foto so quelo pì vizìn ... zin .... zin .... zin .... zin
e in tela man tegno un bandierìn ... rin .... rin .... rin ... rin
in pìe sora al primo scalìn
Ci fu… puuuh puuuh
